KONTEKSTUAL TAFSIRNING TA’LIM TIZIMIDAGI O‘RNI

Mazkur maqolada kontekstual tafsir tushunchasi va uning ta’lim tizimidagi ahamiyati tahlil qilinadi. Kontekstual tafsir — matnni ma’lum bir ijtimoiy, madaniy va tarixiy kontekstda izohlash usuli bo‘lib, u o‘quvchilar va talabalarda matnning mazmun-mohiyatini chuqur anglash ko‘nikmalarini shakllantirishga xizmat qiladi. Ta’lim jarayonida kontekstual tafsir metodidan foydalanish o‘quvchilarning mustaqil fikrlash, tanqidiy yondashish hamda bilimlarni real hayotiy vaziyatlarda qo‘llash salohiyatini oshiradi. Shuningdek, mazkur yondashuv ta’lim samaradorligini oshirish, interfaol o‘qitish jarayonlarini takomillashtirish va shaxsiylashtirilgan ta’limni amalga oshirishda muhim omil sifatida namoyon bo‘ladi.