CO3+ KATIONINING GOSSIPOL 2-AMINO 4-METIL PIRIDIN BILAN KOMPLEKSINI OLISHNING OPTIMAL SHAROITLARINI ANIQLASH

Gossipol asosida olingan Shiff asoslari ayrim metallar bilan maxsus sharoitlarda o’ziga xos rangli birikmalar hosil qiladi. Gossipol birikmalarining ushbu xossalariga asoslanib ularni analitik kimyoda metall ionlarini aniqlashda reagent sifatida ishlatilishi mumkin. Ushbu maqolada Co3+ kationini miqdoriy va sifat tahlilini o’tkazishda 2-amino 4-metil piridindan foydalanish imkoniyatlari, ushbu kompleksni olish sharoitlari va xossalari o’rganildi. Gossipol 2-amino 4-metil piridinning kobalt (III) ioni bilan kompleks hosil qilishining optimal sharoitlari ya’ni eritmaning pH muhiti, reagent miqdori, bufer tarkibiga bogʼliqligi, vaqtga nisbatan barqarorligi va quyilish tartibi oʼrganildi.  Hosil bo’lgan komplekslar nur yutishga asoslangan spektrofotometr, IQ spektroskopiyasi, skanerlovchi elektron mikroskopiya usullari yordamida o‘rganildi, shuningdek komplekslarning tarkibi Izomolyar serialar metodida tahlil qilindi va kompleks uchun Me:R o‘zaro 1:3 nisbatta ekanligi aniqlandi. Kompleks hosil bo’lishidan olingan natijalar tahlil qilindi va matematik qayta ishlandi. Olingan natijalarga ko’ra hosil bo’lgan komplekslar o’rtacha barqarorlikka ega ekanligi aniqlandi.