MUSIQA TA’LIMINING MAQSAD VA VAZIFALARI

Musiqa ta’limi har bir insonning shaxsiy va estetik rivojlanishida muhim o‘rin tutadi. Musiqa faqatgina san’at turi sifatida emas, balki pedagogik jarayonning samarali vositasi sifatida ham e’tiborga molikdir. Musiqa orqali o‘quvchilar nafaqat musiqiy bilim va ko‘nikmalarni o‘zlashtiradi, balki ularning hissiy va estetik didi shakllanadi, ijodiy fikrlash qobiliyati rivojlanadi va shaxsiy tafakkuri boyitiladi. Musiqa ta’limi o‘quvchilarda hissiyotlarni chuqur his etish, musiqiy ohang va ritmni to‘g‘ri anglash, turli janr va uslublarni tan olish qobiliyatini rivojlantiradi. Shu bilan birga, musiqa ta’limi bolalarni madaniyati, jamiyatdagi o‘rni va jamiyat bilan muloqot qilish ko‘nikmalarini shakllantirishga yordam beradi. Tayanch iboralar: Interfaol metodlar, didaktik o‘yinlar, rolli mashqlar, duet va ansambl, estetik did, estetik va ijtimoiy qobiliyat, kuy, ohang, estetika, musiqa darsi faoliyati, tinglash, kuylash, ritmik jo‘r bo‘lish, uslublar, axloqiy poklik, ma’naviy boylik.